Ymye u leh katwa ngait hadien wa da yoh ya ka Mining Lease: Lahkmen Rymbui

Jowai: U montri ka tnat Forest and Environment ka sorkar jylla, u Lahkmen Rymbui ha ka 5 tarik uni u bnai hadien wa chah pynkup burom u ha ka UDP-7 Amlarem Circle hawa e i klam da ong u wa ki paidbah hadien wa yoh ki ya ki Mining Lease haap bood ki katkam ka aiñ wei ym yoh de u leh katwa ngait.

Da ong u wa ki paidbah wa katni emkaam wow leh ki yeiwa emkaam wow yada ya ki khloo wa ka rymaw yow pynneh pynsah ya ka um baam um dih.

Heijooh i por da ong u wa heipor wa lai u cha Chyrmang da yoo u ya ki kpær kiwa khlem em ki mar rep, wei manda kylli u yei daw wa dam ki u rep, da khyrngiat u hadien wa pyntip ki paidbah ka chnong wa lada rep leh man i iwa sepai neibhah wa daw wan baam ki mrad ya kini ki mar rep.

Ha kani ka sngi da yaroh wei da e nongmuna u ya ka chnong Chyrmang kawa em ka Khloo Blai heiwa em hadooh 68 tylli ki jait sim, ki mrad, wa kiwi kiwi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pyntip u wa ka tnat Forest & Environment da booh ko ya ki Camera Trap hapoh kani ka khloo, wei hei miet da mih ki mrad ki wympoi pyrkhat wow em ha kani ka khloo.

U Lahkmen da ong u leh wa hawa yaklam wa ki sahep kani ka tnat da ong wa hapoh em uwi u syntu uwa phooh uwa da chem wa em du ha kani ka khloo ya uwa da tipmit da ka Botanical Survey of India, ya uwa da khut pyrtuid leh kam u Bulbophyllum Chyrmangensis.

Neiliang yong oo da ong u wa daw thooh ya ki laad wow yada ya kani ka khloo wei wow pynku ya ka kaam uiñke suwari hapoh kani ka chnong kamjooh leh kiwi ki chnong kiwa em ki sap wow leh yei jooh deiwa e nongmuna ya ki khloo wa em ha Mukhaialong, Tuber, Ialong, wa kiwi kiwi.