Em hadooh 83 tylli ki Cooperative Society kiwa da em pyrtuid ha Shella Bholaganj C&RD Block

Shillong: Ka Motivational Programme for Cooperative Societies wa chi sngi da pynman ya ka ha Shella Bholaganj C&RD Block Conference Hall, Sohra.

Ya kani ka program da pynman da ka yung krehkaam u Sub-Registrar of Cooperative Societies, Sohra Sub Division Sohra, heiwa da wan chimbynta ha ka da ki dkhot ki Cooperative Society, ki Self Help Groups, wa kiwi kiwi hapoh kani ka Block.

U N. Syiemiong, Branch Manager, Meghalaya Cooperative Apex Bank Ltd., Sohra Branch da man u kam u kongsan heiwa da batai u ya i daw wa emkam wow em ki Cooperative Society heiwa da kyntu u ya waroh wow chna ya kini ki society khnang wow rap yoh myntoi ki chiboon.

Da batai u ya ki kabu kiwa kini ki society ye ki u yoh kam ki ram na ka Meghalaya Cooperative Apex Bank Ltd. deiwa e nongmuna ya kiwi ki Society kiwa da yoh yarap na kani ka bank lada hei kaam ri mrad, psan dakha, wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U J.C.Paul, Sub- Registrar of Cooperative Societies, Sohra Sub Division Sohra da pyntip u ya ka thong wa pynman ya kani ka Motivational Programme toh wow pynsñiawthooh ya ki paidbah chaphang ki Society wei ki laad yarap wa ye ki u yoh kamjooh i myntoi wa mih na kini ki society.

Waroh da em hadooh 83 tylli ki Cooperative Society kiwa da register hapoh ka yung krehkaam u Sub- Registrar of Cooperative Societies, Sohra Sub Division Sohra.