Jowai: U slap deilang waka la-ær yong kawa joor bha ka da wan hiar ko ha ki bynta wa boon yong ka chnong Nangbah, West Jaiñtia Hills District heiwa boon tylli ki yung ki sem ka chnong da chah ktah ki.
Katkam ka yutip wa yoh, da ong wa ini da jia i ynnin ka sngi heipor 11:00 waje i step.
Kani ka la-ær da ktah ko ya ki yung wa boon wa kynthup ya i yong ka Aiei Dhar, ka Lap Pasi, ka Chiruplang Dhar, ka Ailain K. Mujat katwa i yung ka Aiei Dhar ka la-ær da khyndang ko ya i tnoom yong ini i yung.
Chooh chooh kani ka la-ær da ktah ko leh ya ki khloo heiwa da pat ki dieñ kseh kiwa heh, wei neiliang u Waheh Chnong ka Nangbah, u Tonroy Iongwai da pyntip u wut wut yeiwa jia cha ka yungkrehkaam ka B.D.O Thadlaskein C & R.D Block khnang wow tip wow leh yeiwa emkaam.
Discussion about this post