Jowai: Hadien wa da yoh ya ka ujor na kiwa boon kiwa chong chnong wa ki bor chnong wa em ki baar jylla kiwa yoh khoo rachon wa chini, ki ar seiñ wa kynthup ya ka AJSU waka JNC WJZ da lai yachem ki ya u AG Momin S-Inspector Supply ka West Jaiñtia Hills District wow yoh ya ka yutip wa che wei kamjooh leh wow dawa ki na oo wow pyndam ya kiwa na baar jylla wow yoh khoo rachon ki kamjooh i chini.
Neiliang u Momin da kular u wow chimkhia yeini wei wow pyndooh, pyndam noh ya kiwa em pyrtuid ki baar jylla wei kamjooh leh ym e laad neini cha khmat ya kiwi u em pyrtuid ki.
Kiwa yah khmat kini in ar seiñ u PS Phawa wa u Andy R Dhar da maham ki ya ki dukan wa e kulmar ya ki khoo rachon cha ki baar jylla heiwa tang ya ki tre chnong leh ym ye u pynbiang.
Da maham leh ya ki Supplier kiwa dai ya u khoo rachon cha ki bru samen wa cha ki dukan wei lada chem yeini, neiliang ki ar seiñ daw e kti ko ya ki cha ka aiñ neibhah boon ki por duna i poi u khoo rachon cha ki dukan wa toh u poi u khoo.
Discussion about this post