Shillong: Ka Meghalaya Football Association (MFA) da pynbna ko wa dadep wow pynbait ya ki dhab wow chimbynta ha ka Meghalaya Baby League 2018 heiwa da em 12 tylli kiwa da chah jied kiwa da ye u pynbiang ya ki kyndon ka MFA.
Kiwa wan chimbynta da wan ki na kiwa boon jait ki seiñ nadooh ki skur, ki Club, hadooh wa u uwa yalehbol wa pawnaam ka Meghalaya, u Eugeneson Lyngdoh leh da pynpsiah u ya ka yong oo ka dhab.
Kiwa chimbynta toh ka Touchline NE, Langsning Greenergy, United Gorkha FC, Nongthymmai Football Grassroots Centre, ENE (ka dhab u Eugeneson), Kick Start Football Academy, Nongtrai Sports Club, Littlestar Academy, JNS Grassroots Centre, Sunnydale School, Mawlat SC wa Wahlakhiat SC.
Ka Baby League toh kawa da pynman deiwa yakrehlang ka MFA waka Tata Trusts wa ka All India Football Federation (AIFF) dei thmu wow yoh ki khynnah kiwa nadooh 4 snem hadooh 13 snem u chimbynta ha ki yakop yalehbol ha i por wa 6 bnai yow yarap ya ki wow pynbniah yei sap wa em ki yow suk ki u ku cha kiwi ki kyrdan yalehke bol manda heh ki.
Ka yalehke em ko ar jait ka League waka Knockout heiwa daw em ki mar 5 ngut chilliang, ka 7 ngut chilliang iwa chong hei rta kiwa chimbynta.
Ya ki 4-5 snem wa 5-6 snem u man ka yalehke wa mar 5 ngut chilliang, 8-9 snem, 10-11 snem wa 12-13 snem u man ko mar 7 ngut chilliang.
Discussion about this post