Du ka wi ka chnong ymye ko u rai ya ka mynried ka District: EJNC

Jowai: Ka seiñ EJNC da ong ko wa i kam yong ka M/s Abhi Coke Pvt. Ltd. kawa em ha Lad – Jalyiah East Jaiñtia Hills District wa i em ko ha kani ka thaw toh deiwa yoh bor naka Meghalaya State Pollution Control Board (MSPCB) man i iwa sñiawphylla neibhah tang ya ka Public Hearing leh ym em pynman kamwa leh chwa wow sdang ya kiwi ki karkhana hapoh ka District.

Hei jooh i por, kani ka karkhana em ko hapoh chnong heiwa hei yongsakhiat toh u jngai ko 5 Km, kamtæ hajrong kani ka yurim neiliang ka seiñ da ong ko wa da toh wow phah takit da ka CBI hajrong ini wow chem yei sakhiat da ong u Sambormi Lyngdoh President, EJNC – CEC.

Ha iwi tawon i liang, ka seiñ da e ki ya ka kyrchaan kawa pura ya i dawa yong ka JAC wow khang tylla noh ya kani ka karkhana neibhah wa ka tdem kawa mih na katai ka karkhana da ktah ko yei chait i khiah ki paidbah wa ki khynnah lai skur kiwa em hajan katai ka karkhana.

Heiyatoh won wa i kam kani ka karkhana wa da yohbor na u waheh chnong ka chnong Mookhep ha chwa wow pteiñ ya i krehkaam yong ka, neiliang yong ka EJNC da sñiaw ko wow ong wa ka wi ka chnong ymye ko u rai ya ka mynried ka mankawi ka District.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka EJNC da kyntu ko leh ya ka sorkar jylla wow chimkhia ya ini chitom wa ki paidbah yachem ki.

Also Read: E por ka JAC pyrchah ya ka M/s Abhi Coke chi tayaw ya ka sorkar wow leh yeiwa emkaam