Shillong: U Lat ka jylla, u Ganga Prasad ynne ka sngi da lai u cha Mawkyrwat heiwa da chong yalang u wa ki heh yong ki tnat krehkaam ka sorkar wa em hapoh ka South West Khasi Hills District, Mawkyrwat ha ka Multi Purpose Hall, ha ka yung krehkaam ka Deputy Commissioner, Mawkyrwat heiyatoh wa ki scheme wa ki project hapoh ka District.
Ha kani ka yalang da emlang u R. L. Tongkhar, MLA, ka Isawanda Laloo, Deputy Commissioner, South West Khasi Hills District, u H. G. Lyngdoh, Superintendent of Police, South West Khasi Hills District, u N. Syiemiong, wa kiwi kiwi.
Neiliang yong u lat da ong u wa da ksoh u ya ki phang wa emkaam hapoh kani ka District, nadooh ki sarok, ka khayi pateiñ, wa kiwi kiwi.
Da kyntu u leh ya ki sahep sorkar wow pynkreh hok ya ki scheme sorkar neibynta i bha i miat ki paidbah heiwa da pynksan u leh wa emkaam wow kyntu ya ka District liang wanang.
Discussion about this post