Rah naam ki le ngut ki dkhot ka MAKO ha ka lympung wa man ha Kyrgyzstan

Jowai: Ki dkhot yong ka Meghalaya Association Of Kickboxing Organisations (MAKO) wa kynthup ya u Lamphrang Kharsahnoh da yoh u ya ka takma rupa ha ka kyrdan 54 Kg Event K1, u Baremdor Kharmuti ya ka takma tama ha ka kyrdan 51kg Event K1 wa u Pynshai Mawrie uwa da yoh tkma tama ha ka kyrdan 51 Kg Event Low Kick.

Kini ki le ngut ynne ka sngi da yachem ki ya u montri ka tnat Sports ka jylla ha kamra krehkaam yong oo ha Secretariat, Shillong.

U montri da sñiawkmen u wa kini ki le ngut da wanrah naam ki ya ka jylla Meghalaya wa ya ka ri hadien wa jop ki ha ka lympung Asian Kick Boxing Confederation Championships kawa da pynman nadooh ka 5 hadooh 12 tarik uni u bnai ha Cholpon-Ata, Kyrgyzstan.

Da kular u leh wow e yarap cha ka MAKO wow pynbiang yeiwa emkaam ki dkhot yong ka kam chibynta wow kyntu kynrong ya kani ka yalehke hapoh jylla.

Related posts

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Pdengshakap Football Tournament: Psiah Quarter Final sa ka Border Line FC waka Pohplet FC

February 1, 2026

Ha kani ka yachem da emlang u president ka MAKO u Donny Ranee uwa da yaroh ya u montri yeiwa da kular yarap u cha ka seiñ.