Syir ki paidbah ka ri-loom Garo wa suba yoh khniang Nipah Virus ki chipai CRPF wa wan sonteri ya ka Election ha Ampati

Jowai: Hadien wa boon ngut ki chipai ka CRPF wa wan neibynta ka Election chiteiñ samoi ha Ampati kiwa da poi ha ka 19 tarik uni u bnai kiwa dang dep wan na ka Election MLA ha Karnataka da yoh kjut ki heiwa ki dak ki chin i chitom ki sariem ya ka kjut wa mih na u khniang Nipah Virus da pynsyir mynsien ko ya ki paaid ka ri-loom neibhah uni Nipah Virus da suba wa da poi u ha ka Karnataka na ka jylla Kerala.

U DC In-charge ka South West Garo Hills da phah u ya ka yungkrehkaam u DM&HO yow takit yeini wei yow pynche cha ki paidbah.

Da antaad wa da em kamwa 70 ngut ki chipai CRPF kiwa da yoh ya i jooh i kjut iwa da pynsyir chooh chooh ya ki paidbah hadien wa pynpoor ki paidbah chaphang ini ha WhatsApp wa ha Facebook.

Neiliang ka tnat ka chait i khiah da pynche ki wa kini ki chipai CRPF ym em yoh ki ya u Nipa Virus wei da yoh ki ya ka Flu, Diarrhea kiwa ye u sumaar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka jylla Kerala da em hadooh 8 ngut kiwa khlaad na uni u Nipah Virus. Uni u khniang toh uwa em ha ki chi jait labit (Pteropodidae Family, Pteropus genus) wa ki sniang wei ki bru ye ki yoh ya uni u khniang lada baam ki ya u soh, ki jhoor wa da dep baam ki labit kiwa rah ya uni u khniang kamjooh lada tba ya ki bru wa em ya uni khniang.

Uni u Nipah Virus ktah u ya i jabieñ u bru hadooh wow man ki kam kiwa da kiñ khlieh, i chitom u riñ mynsien wei ktah ko leh ya ki snær.