Kular u Wailadmiki Shylla wow pynku kyrdan ya ka Secondary School ya ka Ladthadlaboh cha ka Higher Secondary

Jowai: U Wailadmiki Shylla MLA ka 2-Jowai Constituency ynne ka sngi da kular u wow yarap pynku kyrdan ya ka Ladthadlaboh Secondary School cha ka Higher Secondary Level ha ka yalang wa da pynman ha Indoor Hall ka Dorbar Chnong Ladthadlaboh.

Ya kani ka skur da seiñ nadooh u snem 1957 haka kyrdan Lower Primary, wei ha u snem 2005 da pynku kyrdan ya ka cha ka Upper Primary wei ha kani ka kynti won na ka Upper Primary da ye u pyntu ya ka cha ka Secondary Level.

Neiliang u Wailadmiki hawa e i klam da yaroh u ya ki dkhot ka SMC yong kani ka skur, kiwa sikai heiwa lyngba i kreh chitom yong ki da ye u poi ha kani ka kyrdan.

Heijooh i por da kular u wow yarap wow pynku kyrdan ya ka cha ka Higher Secondary deiwa ong, wa oo sñiawthooh u wa i stat i tip man i iwa kongsan bha ha kini ki sngi wa katni.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“I sñiawthooh i wa i pynlai ya ka skur ym man i iwa suk neibhah ym chong i ha kiwa pynlai ya ka skur, kiwa sikai namo ki manbei manpa tangwa man i i yakrehlang chirup kini waroh kamtæ kyntu O wow yakrehlang neibynta i bha i miat ka imlang sahlang,” da ong u Wailadmiki.

Chooh chooh da ong u wa i lai skur ym mut i du wow yoh kreh sorkar tangwa wow tip leh ya ka burom ka akor wow yoh yei stat i tip.

Kiwi kiwa da klam ha kani ka sngi kynthup ki ya u Marki Mulieh uwa man kam u MDC ka Jowai North uwa man leh kam u symbood kongsan, ka M. Pde kawa man kam ka District School Education Officer yong ka West Jaiñtia Hills, u Waheh Chnong ka chnong, u L.D. Lakiang, u Assistant Waheh Chnong, u S.Bareh wa kiwi kiwi.