Shillong: Ka World Honey Bee Day da lehwarom ya ka ha Khliehriat Agriculture Training Hall kawa pynman da ka yungkrehkaam District Horticulture Officer, Khliehriat.
Ha kani ka sngi u M. S. Lhuid, Deputy Commissioner, East Jaiñtia Hills District da man u kam u kongsan.
U Lhuid hei klam da ong u wa ka sorkar neipor cheipor pynman ko ya ki esikai hajrong ka phang kammon wow ri ngap wei wow pynpliah ya i rukom wa yah da ki warim katkam ka juk wa katni.
Da ong u leh wa kiwa ri ngap kiwa da chah sikai hajrong kani ka phang toh u pynemkaam ki yeiwa da sikai ya ki khnang wow ye ki u pynmih chiboon.
Chooh chooh da ong u wa ka thong wa pynman ya kani ka lehwarom toh wow pynsñiawthooh ya ki warep wow tip ki yei myntoi wa yoh ki na kani ka khih.
Ha kani ka sngi u Lhuid da saam u leh ya ki ksiñ synduk namo ki Beehive Box wa ki tiar wow chim um-ngap cha u S. G. Lamare, u S. Ryngkhlem wa u Y. Pasli.
Discussion about this post