Pyrchah ka KSU ya i dur u Mithun wa dro heipor ka Shillong Street Festival

Jowai: Ka KSU lyngba ka Environment & Cultural Cell yong ka da thoh ko cha u Director ka Arts & Culture Department ka sorkar jylla yow pynsñiaw yei pyrchah yei dur u Mithun Chakraborty u Actor wa rim ka Bollywood iwa da dro heipor wa pynman ya ka Shillong Street Festival kamjooh leh ya kiwi ki dur ki wym em pynyoo ya ka parom, ka dustur riti ka jaitbru Khasi.

Ka seiñ da ong ko wa ini da pynsepai ko yei thong ka sorkar wow pynku ya ka kaam uiñke suwari heithaw u booh da ki dur ki parom ka jaitbru yow tip kiwa wan cha Shillong da booh pathan da ki dur wym em yatoh wa ka jaitbru.

Ka seiñ da ong ko leh wa ym em pyrchah ko ya kiwa pynman ya ka Shillong Street Festival kiwa yarap wow kyntu ya kiwa em i sap hei dro tangwa ki dur wa da dro toh kiwa ym yahaap wei ym em leh booh ya ki dur ki khlawait wa kiwi kiwi kiwa yatoh wa ka jylla, kamtæ kiwa wanke cha Shillong ym yoh ki u yoo iyi wa phær chaphang ka jaitbru yong i wei kini ki dur daw yahbakla ki ya ki bru wym tip chaphang ka jylla.

Kamtæ da kyrpaad na ka sorkar wow tympleh noh ya kini ki jait dur kiwa da em chwa leh ki wym em yahap waka jaitbru.