Jowai: Hadien wa dam noh u Hameshaniah Suiam wa ki le ngut na ka jylla wow lai yakhun cha Russia ha ka lympung WAKO IX World Cup Diamond Kickboxing neidaw wym yoh yarap poisa ki, hawa yaklam wa kiwa pathai khubor ynnin ka sngi, u Montri Rangbah ka jylla, u Conrad Sangma da ong u wa ymtip u iyi iyi chaphang ini.
Da ong u leh wa ka sorkar ymye ko wow e yarap cha waroh ki seiñ yalehke namo ki Sports Association neibhah wa ka sorkar dang em ko hapyrdi i duna poisa tangwa hanlada kattæ leh ka sorkar pyrchang ko katwa ye i bor yong ka wow e yarap.
Kani ka sorkar jylla pyrchang ko wow pynmiat pynbha ya ka Civil Infrastructure kam ki sarok, ki luti syngkieñ, ki yung skur wa kiwi kiwi wei da ong u wa kini ki lympung yalehke leh man ki kiwa emkaam hi.
Discussion about this post