Sñiawskem u Conrad wow jop u kyrtong ka sorkar MDA ha ka By-Election ha Ampati

Jowai: “Ki paidbah ka Ampati emkaam wow sñiawthooh ki wa u Dr. Mukul Sangma uwa da e ki i chaniah deiwa jied ya oo wei katni won da yut u na ki kattu haap pyrkhat ki ya ka mynried ka yong ki deiwa jied ya u kyrtong ka sorkar MDA, u Clement  G. Momin,” da ong u montri rangbah ka jylla, u Conrad Sangma ynnin ha Khliehriat heipor wa yaklam u wa kiwa pathai khubor.

Da ong u wa waroh kiwa em ha ka sorkar MDA ka jylla kyrchaan ki ya u kyrtong ka NPP, u Clement G. Momin wei kani man ko ka kabu ksiar ya ki paidbah wow emlang wa ka sorkar.

Chooh chooh da ong u wa da phær bha ka la-ær ha Ampati wei ka Congress da bakla bha ko ha Ampati, wei ki paidbah da sñiawthooh ki wa da toh i por wow wanrah yei kylla hapoh kani ka Constituency.

Heiyatoh wa i skem ka sorkar MDA neibhah wa daw man ka Election MP ha uni u snem wow wan, neiliang u Conrad da ong u wa ya kani ka sorkar da chna ha ka yurim kawa skem wei sñiawkmen bha u ya ki kaam wa toh wa ka jylla wei waroh ki MLA wa ki party ksoh ki ya ka thong krehkaam kani ka sorkar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa ka Election MP phær bha ko na ka Election MLA namo Election MDC deiwa e nongmuna ya ki District Council heiwa em i yaphær ha ki wei ini ym em u ktah i ya ka sorkar ha ka jylla.

“Ka Election MP toh ka Election neibynta wow chna ya ka sorkar pyrdi yong ka ri, wei ym sñiaw yahaap O wa u pynyatoh i ya ka wa ka sorkar jylla,” da ong u Conrad.