Jowai: Ka Jaiñtia Youth Federation (JYF) ryngkat wa ka Jaiñtia Students Union (JSU) da hiar ki cha ka Mupiah, wa em ha ka wah Myntdu ha i thaw wa em ka baan namo ka Dam um yong ka PHE Jowai, hadien wa yoh yutip ki wa da sdang piah kani ka baan napoh.
Neiliang kiwa yahkhmat ka seiñ wa kynthup ya u Wanbun Dkhar, Vice President JYF wa u Lawyerson War, President JSU da kyntu ki ya ki bor wa pait ya kani ka baan wow chna pynmiat smat ya kani ka thaw neibhah wa lada joor i piah kani ka dam daw chah ktah i rukom saam um-dih ha ka chnong Jowai.
Kini ki ar seiñ daw lai yachem ki ya u Executive Engineer (EE) PHE Jowai, wow thooh yutip ya ki daw wa piah kani ka baan.
Ki ar seiñ da ong ki leh wa daw paan ki da ka RTI hajrong ini yow chem ya iwa sakhiat.
Discussion about this post