Jowai: Kamwa leh ha kylleiñ ka pyrthai ya ka ‘World No Tobacco Day’ da lehwarom ya ka ynne ka sngi ha Shillong wa kiwi kiwi ki bynta ka jylla.
Ha Shillong da em ka lai paidbah namo ka rally wa pynman da ka District NCD Cell, East Khasi Hills hei krehlang wa ka NSS Unit Shillong College wa ka Nursing School Civil Hospital, Shillong.
Kani ka lai kjat da sdang nadooh na Marba Hub, Police Bazar chadooh cha State Central Library, Shillong.
Ya kani ka jooh ka sngi da lehwarom ya ka ha NEIGRIHMS ya kawa da pynman da ka Department of Oncology & Community Medicine, NEIGRIHMS.
Ha NEIGRIHMS da pynman hajrong ka thong wow pynsñiawthooh ya ki khynnah, ki pulit wa kiwa kreh sorkar kamjooh kiwa kreh ki thaw sumaar yei ktah wa mih na u duma (Tobacco) wa ki luti wow ye u pynduna ya ini.
U kongsan ha kani ka sngi toh u PS Dkhar, Deputy Commissioner ka East Khasi Hills, uwa da klam hajrong i kaamram yong ka sorkar wow pait ya i dih namo baam duma hapoh ka jylla Meghalaya deiwa kular wow emlang u ha kam kini ki yalang ha ki por wow wan wei wow chimkhia yeini katwa joh i bor yong oo.
Ha kani ka sngi da yoh yei klam na u Dr. Vikas Jagtap (Associate Professor & HOD, Radiation Oncology), u Davis Marak, Superintendent of Police, East Khasi Hills uwa da kular wow pynkrehkaam ya ka aiñ COTPA (Cigarette & other Tobacco Products) Act ha kani ka thaiñ da em leh u Dr. P K Bhattacharyya HOD General Medicine, wa kiwi kiwi.
Discussion about this post