Jowai: Da man ko ka sien kawa nyngkong dooh nadooh wa pynkrehkaam ya ka Kupli Hydro Electric Project da ka NEEPCO ha wah Kupli, wa kiwa pynlai ya kani ka Corporation da e yarap ki wow chna ya ka yung skur yong ka St. Albert L.P. School ha Iawthymme, Iooksi, West Jaiñtia Hills District.
Ya kani ka skur da wai ynnin ka 31 tarik wei dadep chna ya ka lyngba ka CSR-CD Scheme. Ya kani ka Scheme da yoh hadien wa yaklam ka Association wa tip kam ka Kupli Hydro Electric Project Affected Peoples Association (KHEPAPA), West Bank.
Ha kani ka sngi da emlang ki sahep ka NEEPCO wa kynthup lang ya u Head of Plant ka Umrangso uwa da wai pyrda ya kani ka skur wei da pynphooh pynphieñ leh ya kani ka wai pyrda da ki khynnah skur wa kiwa chong chnong ka chnong Iawthymme lyngba ki rwai wa ki chaad tynre.
Da pynlai ya kani ka yalang da u F. Syrti (Adviser), u D. Lapasam (Chairman) wa u I. Manar (General Secretary) yong ka KHEPAPA (West Bank) Iooksi.
Ini toh katkam wa pyntip u R. Suchiang Public Secretary ka KHEPAPA (West Bank) Iooksi.
Discussion about this post