Dawa ka JSM wow pyntam ya ka Internet da chiphaw sngi ya kiwa ha ri-loom Jaiñtia

Jowai: Ka Jaiñtia Students Movement (JSM) Central Body ynne ka sngi da dawa ko na ki Company wa e Mobile Network wow pyntam sngi ki ya ki bru ha ki 10 sngi wa chah pyndooh Internet hapoh ri-loom Jaiñtia.

Katkam wa ong u President ka seiñ u Leningstar Rymbai, waroh ki Company kam ka JIO, AIRTEL, Vodafone wa BSNL kiwa pyndam ya ka Internet ha ki phone (3G/4G) nadooh ka 3 tarik uni u bnai ha ri-loom Jaiñtia katkam wa hukum da ka sorkar Meghalaya heiwa ki bru da dep su ki ya kini ki 10 sngi wa dooh Internet tangwa da kheiñ bait wa Internet hoi hi ko wei kiwa thap da ka 30 /70/84 sngi da ka Internet wa 1 GB/1.5GB/2GB/3 GB toh u pyntam ya ki da 10 sngi.

Da ong u leh wa lada ym pyntam sngi kini ki Company da man ko ka dooh nong ya ki paidbah kamtæ kini ki Company haap leh ki yeiwa emkaam yow pyndap yeiwa doohnong ki paidbah kiwa da dooh Internet khlem i daw wa leh ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024