Jowai : U khmi wa joor hadooh 6.1 ha ka Richter Scale, ynne i step da khih u ha i thaiñ ka chnong Osaka wa em ha ri Japan wei da dooh yei mynsien yong ki le ngut ki bru wei da em leh chiboon kiwa mynsoo.
Uni u khmi da tympiah u ya ki pipe um wa ki pipe pynpoi la-ær chet (gas) cha yung ki bru wei da pynsangeh u leh yei lai i wan ki rel ha kani ka chnong.
Kiwa khlaad da kynthup ya ka khynnah wa dang 9 snem kawa da dooh yei mynsien hadien wa chah ban ko hei chram heipor wa em ko ha skur ko, da em leh uwi u bru wa 80 snem uwa da khlaad hadien wa oo leh chah ban u ha i chram katwa uwi won uwa 85 snem i rta da khlaad u hadien wa chah ban u ha ka almari booh kot.
Da em boon ki yung kamjooh ki Hospital da dooh bordiñ ki tangwa pyn ha chiteiñ sngi da pynpoi biang ya ka bordiñ.
Ki paidbah boon da ieh ki ya ka kari ha sarok wym lait de u lai neidaw wa da kaad ki sarok wei boon da liwan ki dei kjat wei da em leh kiwa da chim da ka Bullet Train kiwa da krehkaam biang pyn ha i janmiet.
[arve url=”https://www.facebook.com/421559807936764/videos/1737947396297992/” /]
Discussion about this post