Jowai: Katkam ka yutip wa yoh da ong wa iwi i khonboo (kynthai) iwa dang le tayaw da chah tynyap i hadien wa chah noh i ha kawi ka borti wa dap um ha u damok wym tipmit ha Mission Compound, Shillong heipor kamwa 2:30 ynne i step synyaw.
Nailiang u SP ka East Khasi Hills, u Davis R Marak da ong u wa uwi u damok uwa da tymmoh khmat da psiah yabor u ha iwi i yung wei da dat u ya ka bei ini i khonboo kawa yohthiah wei da yut wot u na ini i thaw hadien wa dat u ya kani ka manbei.
Mar ya jia ini, kiwa hayung kani ka manbei da pyntip ki cha ki bor pulit wa dang mut ki wa chah rahbor ini i khonboo ha uni u damok.
Manda sdang ki u thooh ya ini i khonboo da chem wa em i hapoh borti wa dap um ha tnoom yung wei da pynkit ya ini i khonboo cha Ganesh Das Hospital, Shillong wei du hadien kattu katni por da khlaad noh i.
Hadien ini ki pulit da pynman ki ya i takit wa bniah wow chem ya uni u damok.
Discussion about this post