Jowai: Ka wyrta neibynta ki tre yung wa ki tre thaw wa em hapoh u pood u ang yong ka Ladrymbai Dongwah wa chwa wow e wai ki ya kiwon kiwon kiwa chong wai ki wymtoh ki tre chnong kam ki baar jylla wot ki tre jylla kiwa wan na kiwi ki chnong, nyngkong emkaam wow pyntip chwa ki cha u Waheh Chnong yong ka Ladrymbai Dongwah, East Jaiñtia Hills khnang wa ka chnong u ye ko u pynpsiah pyrtuid (Register) wei wow tipmit ya ki.
Kiwa chong wai emkaam wow pynbiang ki ya ki kot ki sla wa paka kam ki Voter ID/Pan card/Driving Licence namo ki Character Certificate.
Ka chnong Ladrymbai Dongwah da khang pyrchah ya kiwon kiwon ki tre chnong næ ki baar chnong wa ymtoh wow pynyieñ kari kulmar ki khamtam heipor miet ha ki thaw wa doom wa langoh wei ymhoi u leh ya ki kaam sih hapoh ka chnong.
Sa iwi leh ka chnong da khang ko wow pynhær smat ya ki kari ha u sarok ka chnong neibhah ye i wow wanrah yei ma wa khroo ya kiwa lai wa wan.
Kamtæ ka chnong da kyrpaad ko ya ki tre chnong kamjooh kiwa na baar chnong wow krehlang neibynta i bha i miat ka imlang sahlang ka chnong ka thaw.
Da ong ko leh wa lada chem ya kiwon kiwon kiwa leh pyrchah ya kini ki kyndon daw pynchitom ya ki katkam ki kyndon ka aiñ.
Discussion about this post