Jowai: “I pteiñ ki Sikh kiwa na baar jylla wow wan yooh kjat ha Shillong wow tuklar ya ka kaam ha Them Iewmawlong man ko ka luti wow e diñ wei wow theh petrol ya i diñ wa da kyr-ooh chwa wei hajrong ini i bynta neiliang ki soo tylli ki seiñ – KSU, FKJGP, HNFY wa RBYF sñiaw i wa kani ka kaam toh ka kaam pohyung ka sorkar jylla wei i kaamram sorkar jylla kammon wow pynbait ya kani ka kaam kawa da sah da ki phaw snem kattu,” da ong u President ka KSU, u Lambok Marngar.
Da pynrap u deiwa ong wa i pteiñ wow wan luchia ki bru na baar man ko kaam kawa ymye u pdiang da man katwa man wei yoo lakam wa kini ki bru thooh ki ka luti wow wanrah yei awri awra wei wow wanrah yei sñiaw yaphær jaitbru.
“Ka sorkar da chna ko ya ka High Level Committee wow pynbait ya kani ka phang tangwa kini ki bru wa na baar won yoo lakam wa ym kheiñkor de ki wot ya ka sorkar jylla leh wei yoo lakam wa ki wa wan synchaar hapoh ka jylla,” da ong kini ki soo seiñ deiwa ong wa ka sorkar ymtoh u chah pynlai ko ha kini ki bru kiwa wan na baar jylla.
Chooh chooh da ong ki soo seiñ wa ka sorkar emkaam wow smat ko wow kyrriah ya kini ki bru na ka Them Iewmawlong wei ymtoh wow elaad ya kini ki bru kiwa na baar jylla wow pteiñ ki wow wan luchia hapoh ka jylla heiyatoh wa kani ka kaam samboi kani ka kaam daw poi ko cha u pood uwa joor ka awri awra.
Discussion about this post