Mawryngkneng: Ka Rangdajied United FC daw yaleh pyrchah ko ya ka Mawkasiang SC ha ka Pre-Quarter Final wa nyngkong yong ka Mawryngkneng Invitation Football Tournament 2018 ka wow sdang nadooh mynstep ka 23 tarik heipor 3:00 waje nohchariñ ka sngi ha madan Mawryngkneng Stadium, East Khasi Hills.
Kam wow pynkynmoo heini ka Mawkasiang SC da psiah ko cha ka Pre Quarter Final hadien wa jop ko ya ka Spartan FC .
Chwa wow sakhi ya kani ka yalehke Pre-Quarter Final wa nyngkong ka Moodymmai Sc na West Jaiñtia Hills daw yakhun pyrchah ko ya ka Gorkha Football Association na Shillong heipor 1:00 waje ha ka yalehke wa khaddooh yong ka round wa nyngkong yong kani ka lympung.
Neiliang ka Mawryngkneng Cultural & Sports Club da khut ko ya ki paidbah wa wan paitke wow wan sakhi ya kini ki yalehke wei ka bai ticket man ko T. 30 samen.
Discussion about this post