Yah luti ka Loompyrdi Iongpiah wow thung hadooh 50 tre ki tre-dieñ hadien wa thyllem ya ka Dieñkhlam

Jowai: Hachwa wow poi ki Soo Sngi Le Yaw wa man ki yong ka Chaad Niam Behdieñkhlam waman leh ki sngi wa kyrpang wa kyntang yong u Tre-kirot wow hiar u cha sla khyndaw pyrthai wow pait wow yoo ya ki khon u Ynñiaw Wasa, ynne ka Thymblieñ ka Dorbar Chnong Loompyrdi Iongpiah da lai thyllem ko ya ka Dieñkhlam yong ka.

Hachwa wow thyllem ya ka Dieñkhlam da pyndep yei suit i choor da u Kñi ka Loompyrdi Iongpiah, u KF Laloo.

Hadien ini ka chnong da thung ko hadooh 50 tre ki dieñ hajan i thaw wa thyllem ya ka Dieñkhlam, kam chibynta wow pynneh pynsah ya i yirngam ki khloo ki kjam wei wow yada ya ka Bei Rymaw.

Ya kani ka Dieñkhlam heh daw rah na khloo wow yoh u rah chapoh i chnong i thaw wow pynyieñ ha ka Sngi Musiang hapoh ka chnong wei man ko leh ka dieñ ka wow beh ya ka khlam ka dait ka chitom ka saja hapoh ka dong ka chnat waroh kawi.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026