Jowai: U Waheh Chnong ka Dorbar Chnong Panaliar da khana u wa ka chnong hi waroh kawi hei yahkhmat ka Khynroo Khyllood Committee da pynkhooid pynjngiar ko ya waroh ki bynta ka chnong (Residential Area) hapoh u pood u ang yong ka.
Ha ki thaw nawon kam ka nadooh tre Riatkakiang hadooh Pohkhyllem, kiwa man ki thaw uiñke suwari ki bru, ym slem de u phah pynkhooid pynjngiar ka chnong ya ki
Heijooh i por tnat krehkaam VDP ka chnong da lipait li sylli hi ko katni khlieh ka sngi ya kiwa chong dih kiad kiwa leh khlem-akor, wei da maham ko leh ya kiwon kiwon kiwa chem ko kiwa leh pyrchah yeini.
Katwa kamtæ neiliang u Waheh Chnong ka chnong, u Riquoma Rq. Laloo da pynkynmoo biang ki yeiwa dadep pynmih ha ki khubor wa ka Chnong Panaliar sa chisien kyrpaad ko ya waroh kwia chong chnong wa kiwi tawon kiwa uiñ wa lai hapoh u pood u ang yong ka wow sñiawbha ki u yakrehlang neibynta i bha i miat, i chongsuk chongsaiñ wa i khooid i pliah.
Da kyntu joor ko ya waroh kiwa em hapoh u pood u ang yong ka chnong wow man ki kiwa em akor em burom hei ktien i klam, kiwa leh khooid ya ki luti syngkieñ weiwa man leh kiwa tip u pynyieñ kari ha ki thaw watoh u pynyieñ.
Chooh chooh ka chnong kyntu joor ko ya ki tre dukan dukdoh hapoh ka chnong wow sñiawbha ki u pait jar i phrang dukan yong ki wa ymhoi u taroi wei wymhoi u pynyieñ kari slem wa pynwit næ pynthut yei lai i wan kiwi.
Discussion about this post