Jowai: Hadien wa da roi ware ki dukan ki baar jylla ha kylleiñ ka East Jaiñtia Hills District, neiliang ka East Jaiñtia National Council (EJNC) – Central Executive Council da pynsñiaw ko yei sñiawkhia wa joor neibhah ini da ktah sakhiat i ya kamai i yoh kreh ki tre jylla nadooh kiwa heh hadooh kiwa khian.
Kamtæ hajrong ini, ka EJNC da e yumut ko ya ka JHADC wow sangeh noh yei e Trading License cha ki baar jylla wow wai dukan hapoh East Jaiñtia Hills District khnang wa neini chakhmat ki tre chnong tre muluk u yoh laad ki wow chimbynta ha kam kani ka kaam kawa dang joh i bor ki wow leh, da ong u Sambormi Lyngdoh, President EJNC – CEC.
Heijooh i por ka seiñ ha kini ki sngi wow wan daw pynman ko yei kynreh kot kynreh sla ya waroh ki dukan baar jylla kiwa em hapoh EJHD, katwa kamtæ ka seiñ da khut ko ya ki khynroo chnong, ki VDP wa kamjooh leh ki Dorbar Chnong yong ka EJHD wow ksohkti wa ka seiñ heiyatoh wa ini.
Discussion about this post