Shillong: U Commissioner of Transport, Meghalaya da pyntip u wa ka tnat Ministry of Road Transport & Highways (MoRTH) ka sorkar India da pynmih hukum ko wa waroh ki tre kari haap bood ki ya ka kyndon Section 52 ka aiñ Motor Vehicle Act, 1988 kawa da khang wow pyndait ya ki Crash Guard/Bull Bar ha waroh ki kari.
Ya kani ka hukum da pynmih neidaw wa kini ki Crash Guard wa ki Bull Bar toh kiwa pyndait hi da ki bru ha khmat ka kari kamjooh leh em kiwa da chna wow booh nadien wei ym toh kiwa wan na ka Company wei da pyndait da ki sru samen deiwa ngait ki wa daw yarap yada ya ka kari yong ki tang man i mar khangtleiñ heiwa daw ktah ko ya ka kari lada em i yatyrrah neibhah da pyndait ya kini ki Guard ha u Chassis ka kari.
Kini ki Guard leh booh ki yei maa ya ki bru lada chah tyrrah ki neibhah da chna da ki naar.
Hawa ya tyrrah para kari won, kini ki Guard neidaw wa toh chwa ha ki, kini ki Guard da khang ki ya i bynta ka kari wa na khmat wa nadien wa da chna wow pra yow lait u ktah ya kiwa chong hadooh wa ki Air Bag leh ye wow dam u mih ki hanlada ka ya tyrrah man ko kaw joor bha.
Chooh chooh kini ki Guard leh pynjoor ki yei baam phniang ka kari neidaw wa man ki kiwa khia.
Kiwa pteiñ u pynemkaam ya kini ki Guard ye ki u chah pyndaiñkuna katkam ka Section 190 wa Section 191 yong ka Motor Vehicle Act 1988.
Discussion about this post