Paan pynche ka PAC na ki tnat wa chah knieh ka VVIP Helipad

Shillong: Ka Public Accounts Committee (PAC) ynne ka sngi da yaklam ko hajrong i chna ya ka IIM Shillong ha i thaw wa da e neibynta wow chna ya ka thaw hiar lieñsuiñ ki heh ki haaiñ namo ka VVIP Helipad ha Umsawli, kawa da leh khlem bood ya ki kyndon.

Neiliang u Chairman ka PAC u Charles Pyngrope da ong u wa ya kani ka thaw ha Umsawli da e wow chna ya ka thaw hiar wei wow hær ki Helicopter neibynta ki heh ki haaiñ tangwa ha u snem 2006-07, da ekti khohreh ya kani ka thaw cha ka IIM Shillong.

Da ong u wa khlem khut Tender khlem yoh yei mynjur na ka sorkar katkam ka kyndon, da chna ya kani ka IIM wei hadien da thoh won cha ka PWD wei ini i leh man i iwa bakla.

Neitæ i daw, i thmu wow chna ya ka thaw ku wow hær ki lieñgsuiñ yong ki heh ki haaiñ ha kani ka thaw, da sepai hadooh katni.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kawi ka phang wa yaklam ka PAC toh hajrong i thied ya ka kor siam moo ka tnat Mining & Geology ka jylla kawa da pynsepai ya ka poisa wa hadooh T. 22.2 Lak.

U dkhot ka PAC u Himalaya Shangpliang da ong u wa ka tnat Mining & Geology da thied ya kani ka kor khlem pynemkaam won ya ka wei da booh hi-eh ha pchem kani ka yungkrehkaam. Da yoh ya ka poisa leh na ka Indian Bureau of Mining, ini i yoh ya kani ka kor man i iwa pynlutphut heiwa ka PAC da chimkhia ko wow e ya ka bui cha ka Yung Dorbar.