Jowai: U Phillip J Bamon uwa chong wa sah ha Lad Rymbai Daisimpein, EJH ynne ka sngi da thoh u cha u DTO ka EJH hei yatoh wa i kaam chah thok khamtam heiyatoh wa ki kari kamai ha thaiñ Khliehriat-Lad Rymbai, Khliehriat-Sutnga wa Khliehriat-Rymbai.
U Phillip da ong u wa kini kiwa kamai kari ha ki thaw kiwa da kdaw ha neiñ toh kiwa kamai khlem biang ki kot ki sla wei ki kot ki sla wa da pynemkaam ki toh kiwa thok hanlada chah ksoh ki leh la boonsien.
Da ong u leh wa ki Local Taxi toh kiwa ym em biang ya ki kot ki sla wei da pynemkaam ki da ki kot ki sla wa thok wow kit ya ki paidbah wei da thok da chukor ki ya ki bor sorkar wei kiwa yah kari leh ymtoh kiwa da em License wei ym em ki yei kitkhlieh wow yah kari hadooh wa da mih boon i chah tyrrah ki paibdah ki wym jooh em poi ka yutip cha ki bor ka aiñ.
Chooh chooh da ong u wa kiwa yah kari kamai kamjooh ki kari samen toh ki wym bood ya ka aiñ iwa da wanrah ya i wit ha i lai i wan ki paidbah wei da booh kari ki kat cha wa yoh ki iwa man pyrchah ya ka aiñ khamtam ha ka sarok bah NH-44 iwa da wanrah ya i sahkut ki kari dei langær neibhah kini kiwa yah kari ym burom ki ya ka aiñ.
Da ong u leh wa kiwa yah thuk thuk da yah ki khlem sap Helmet namo kiwon kiwon wow yada ya ki hadooh wa da wanrah ko ya i mynsoo ym du ya kiwa yah kamjooh kiwa chong hadien wei da em leh kiwa dooh yei mynsien yong ki du nei khaler kiwa yah thuk-thuk.
Ha iwi tawon i liang da ong u wa ki truck kit mar ym chah ya ki wow lai ki hei sngi khamtam ha ki thaw wa em ki yaaw ki hat tangwa ki won ym em mano ki ya ini wei da leh ki katwa ngait hi-eh hapoh ka District iwa da wanrah leh yei sahkut kari wa joor khlem poi pyrkhat.
Kamtæ da kyntu u ya ki bor ka district wow chimkhia ya ini yow lait wow wanrah ya iwon iwon wa sñiawsih ha ka imlang sahlang.
Ya kani ka jooh ka chithi da phah cha u DC wa u SP ka EJH.
Discussion about this post