Shillong: Uwa yahkhmat ya ka People’s Democratic Front (PDF) uwa man leh u Chief Executive Member (CEM) ka Khasi Hills Autonomous District Council (KHADC), u Pynshngain N Syiem da ong wa i long i man ka saiñpyrthai ha KHADC da kylla ko man ka kynta katni.
Ini i ong u CEM toh hajrong wa kylli chaphang i dawa wow pynman ya ka dorbar wa kyrpang da ki 16 ngut ki MDC kiwa lai wow dawa ha ka sngi Thohdieñ na u Montri Rangbah ka jylla, u Conrad K Sangma.
“Hei yatoh wa i long i man ha District Council wa i dawa yong ki 16 ngut ki MDC ya ka dorbar wa kyrpang, neiliang yong nga kam u CEM nga ym em O iyi iyi wow ong neibhah ka saiñpyrthai ha KHADC da kylla ko katni wei u chong u yang u pait yei wow kylla wa thymme,” da ong u Pynshngain.
Ha iwi tawon i liang u Chairman ka PDF da ong u wa ka Party dang em ko ha i yaklam ko hajrong i kyntait yong ki soo ngut ki MLA wow dam noh wow kyrchaan ya ka sorkar.
“I dang em i hapyrdi i pynbait wa i phyllu yumut lang ha ka Party hajrong ini i kaam wei daw leh i ya kawa bha tam,” ong u wa yahkhmat ka PDF.
Discussion about this post