Ha ka 10 tarik daw rai ya u kyrtong ya monlang wow yakhun na Ranikor: PN Syiem

Shillong: Ka dhab wa kwah wow sai ya u kyrtong monlang ha ka Election chiteiñ samoi ha Ranikor daw yachem ko ha ka 10 tarik uni u bnai ha Shillong wow chim ya ka rai wa khaddooh hei wow pynbna ya u kyrtong.

Hawa yaklam wa u Chairman ka PDF, u Pynshngain N Syiem da ong u wa kani ka dhab wa kynthup ya kiwa kyrchaan kiwa boon ki party, kam ka NPP, UDP, PDF, BJP daw yachem biang ki ha ka 10 tarik hadien le sien yachem wa dadep.

“Kani ka yasyllok wow yoh du uwi u kyrtong, da dep pynman la le tylli ki yalang ha ka 28 tarik Naiynru ha Shillong, 3 tarik wa 6 tarik uni u bnai ha Rangthong wa ha Wahkaji wei ka sur ki paidbah na kini ki yalang toh wow yoh du uwi u kyrtong wa monlang,” da ong u PN Syiem.

Da pyntip u wa ha ka ylang wa kyrpang daw emlang ki seiñ saiñ pyrthai wa kynthup na ka jylla wa na ka Block wa Unit, wei da khut leh ya u kyrtong ka UDP uwa da wan wa ar ha ka Election wa dang dep, u Pius Marwein.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa jubab yeiwa kylli, lada u Pius daw ngait u ya ka rai yong katai ka yalang, uwa yahkhmat ka PDF da yooluti u wow man u kam u kyrtong ya monlang yong kani ka dhab.

U Pynshngain da ong u leh wa lada oo namo u Pius emkaam wow ap yei sur yong waroh kiwa boon ha ka 10 tarik.

Rap nachwa ka UDP da pynsñiaw ko wa daw pynyieñ kyrtong bait ko ha Ranikor wow yakhun pyrchah ya u kyrtong ka NPP, u Martin M Danggo hanlada ka UDP yakrehlang ko wa ka sorkar syrnrop MDA wa yahkhmat da ka NPP.