Jowai: Ka Puriang FC wa ka Hamlen FC da man ki ki artylli ki dhab kiwa da yoh u psiah cha ka Quarter Final yong ka 4th Mawryngkneng Greater Football League 2018 kawa da pynlai da ka Mawryngkneng Cultural & Sports Club ha ka yalehke Pre-Quarter Final yong kani ka Tournament wa pynman ynnin ka sngi hapoh Mawryngkneng Stadium.
Ka Puriang SC da pynrem ko ya ka Smit SC da 1-0 wei ya kani ka chi kool da thap da u Kar Kharlyngdoh ha ka minit ba 68 yong ka yalehke.
Ka Hamlen FC na East Jaintia Hills da jop ko ya ka Friends United FC da 1-0.
Ha kani ka yalehkai Pre-Quarter Final wa khaddooh da man ko kawa chongchit wei da wan hadooh 6 ngut kiwa yalehke kiwa na Africa heiwa 5 ngut toh kiwa yalehke ka Friends United wei uwi toh yong ka Hamlen FC.
Ya ka chi kool yong ka Hamlen FC da yoh thap da u Precious ha ka minit ba 71 yong ka yalehke.
Neiliang ka MCSC da pyntip paidbah wa ka Quarter Final yong kani ka Tournament u sdang ko ha ka 20 tarik uni u bnai.
Discussion about this post