Dawa ka Narpuh Border Area Joint Committee wow pynneh ya ka C&RD Block ha Lumshnong

Shillong: Ka Narpuh Border Area Joint Action Committee of Jaintia Hills da kyrpad ko ya ka sorkar jylla wow pyrkhat bha lada thmu ko wow kyrriah noh ya ka Community and Rural Development Block (C & RD Block) na Lumshnong cha Wapung ha East Jaiñtia Hills.

Hawa yachem wa kiwa pathai khubor ynnin ka sngi ha Shillong, u Secretary ka Joint Action Committee, u Daiapherbha Lamare da ong u wa, “I emkaam i wow em ka C&RD Block ha Lumshnong, hanlada da sniawtikna i 99.9% daw kyrriah ya ka Block Office cha Wapung, tangwa i emkaam i leh ya ka C&RD Block.”

Ka Committee da klam ko leh ya ka hukum ka Meghalaya High Court wa pynmih ha ka 06-06-18 kawa da e por 6 tayaw ya ka sorkar jylla wow chim ya ka rai deiwa e laad leh ya kiwa daw chah ktah wow pynsniaw ki yeiwa emkaam ki padibah.

U Lamare da ong u wa ka sorkar toh u khut yaklam ko ya waroh kiwa chah ktah tangwa hadooh katni ym pu em leh ko wei da pyrchang leh wow yachem wa ki montri tangwa ym em yoh laad wow yachem wa ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ka Committee da dep phah bru ko wow yachem wa u montri rangbah ka jylla u Conrad Sangma wow pynsniaw yei pyrchah wow kyrriah ya ka C&RD Block cha Wapung wei wow bood ya ka hukum ka Meghalaya High Court.