Shillong: U President ka KSU u Lambokstarwell Marngar da ong u wa ka Meghalaya Public Service Commission (MPSC) lada ka kwah ko wow pynyoo wa man ko kawa khooid kawa suba hei rukom pynlai Exam ko wa ki kaam waphær waphær toh u em ko ka luti wa che kdar wow pynsakhiat yei khooid i rukom pynman Exam tung kreh ko.
Ym myntoi de wow pynksan nia wow pynche wa man ko kawa khooid hawa thung kreh ko ha ki tnat sorkar wei emkaam ko wow pynyoo da ki kaam wow booh da ki Video Camera hapoh ka kamra pynman Interview wow pynsakhiat wa man ko kawa ym em leh chiliang wei wow e leh ya ki Copy ya iyi wa da jubab hapoh ka Interview wei wow yoo leh kiyi wa kiwa chim Interview kylli ki wei lada ym ye u leh ya ini ym man ko kawa khooid kawa suba.
Lada ye ka MPSC wow leh ya ini daw yoh kiwa yaleh kreh ya i chaniah ya ka MPSC wa ka da leh sakhiat ko ya ki kaam yong ka.
Hadooh katni ym em kawon kawon leh ka laad ka luti wada leh ka MPSC wow wanrah yei chaniah ki paidbah yei rukom krehkaam ko.
Ka seiñ ka yieñ skem ko hajrong ka yurim ko wow pynman ya ki Exam Interview kawa khooid khlem i leh chiliang lyngba ka MPSC næ ka DSC kamjooh kiwi ki tnat sorkar leh.
Ym du ini, ka seiñ ha ka 05-04-18 da dep e yumut ko cha ka sorkar wa neibynta ki Grade IV toh u pyndam noh ya ki Personal Interview wei wow jied noh du naka Written Test yow man ko kawa khooid.
Ka seiñ da sñiaw ko wow ong wa lada ym em i kynrum kynram ha i rukom thung kreh ileh won boon sien kiwa yalehkreh haap lai ki chadooh ka yung bichaar wei i por da toh wa ka sorkar u chimkhia ko ya ini i kaam yow wanrah yei kylla hapoh ka jylla yow wiar leh ki kaam biah sia lieh.
Discussion about this post