Jowai: Ka seiñ kiwa sikai SSA hapoh ka jylla, ka Meghalaya SSA School Association-Central Body da pyntip ko wa da yachem ko wa u montri ka puræ puthi, u L. Rymbui heiyatoh wa ki ar tylli ki kaam wa dang sah hei yatoh wa ka poisa wa man ka bhah yong ka jylla kawa dang sah wow su cha kiwa sikai SSA wa i thut wa i chitom wa yachem kiwa yaleh Diploma in Elementary Education (D.El.Ed) Programme yong kiwa yaleh nyngkong dooh ha u snem 2013-15 wa kiwa yaleh wa ar ha u snem 2015-17.
U Aristotle C Rymbai President ka Meghalaya SSA School Association-Central Body da ong u wa ka Association da dep ki wow e dorkhat cha ka sorkar jylla ha ka 15 tarik uni u bnai heiyatoh wa kini ki kaam wa dang sah sa le bnai ka tulop yong uni u snem nadooh u Naitung, Naisan wa Naiynru kamjooh ka Arrear wa 8 bnai yong u snem mang poisa 2016-17.
U montri da pyntip u wa i slem wow pyllait ka sorkar jylla ya ka tulop ya ka Adhoc Instalment cha ka sorkar jylla na ka Ministry of Human Resources Development ka sorkar India wei sñiawthooh u leh yei chitom wa chem kiwa sikai neidaw wym em yoh tista ki ya ka tulop wei dang thooh ya ki laad ki luti wow pynbait ya ini.
Da ong u leh waka Finance Department ka sorkar jylla, yei bhah yong ka daw phah cha ki SSA-SEMAM yow ye u su ar bnai chwa ka tulop cha kiwa sikai ka SSA yow yoh poisa ki katwa ympu poi posia na ka sorkar pyrdi.
U montri da pyntip u leh wa dadep thoh u cha u montri rangbah ka jylla wow pyllait ya ka poisa wa dang sah yow ye u su ya ka Arrear neibynta u snem 2016-2017 kawa da sah kattu aw jan ar snem wei da kular u leh wow leh smat ya ini.
Discussion about this post