Khliehriat: Ki dkhot ka Hynñiewtrep Achik National Movement (HANM) – Ladrymbai Unit, ynne ka sngi da chem ko ya kawi ka dukan dai dawai beaiñ ha Ladrymbai ka wym biang ki kot ki sla, ka wym em kawon kawon ka Signboard, kamjooh leh ki dkhot ka seiñ da sñiaw phylla ko wa da chem wa kani ka dukan da chong dai da u khynnah uwa dang kamwa khatsan snem i rta u wym tip iyi iyi chaphang i kaam dawai.
Hawa takit ki dkhot ka seiñ ya uni u khynnah da ong wa u pa yong oo da boon sngi da lai chnong u wei da phah yang dukan u ha u khon (u tre dukan) uwa dang khynnah.
“Ini i leh uni u tre dukan dai dawai da booh ko hei maa ya ki bru kiwa lai thied dawai na kani ka dukan wei man ko leh kawa pyrchah aiñ wow e chong dukan ha u khynnah uwa ympu pass wei u wym tip chaphang ki kaam dawai” da ong u Edwin Syrti, President HANM – Ladrymbai Unit.
Chooh chooh ka seiñ da dawa ko na ki bor ka aiñ wa ki bor sorkar wow leh yeiwa emkaam hajrong ini waroh.
Discussion about this post