Shillong: San ngut ki bru da khlaad ki hadien wa chah riñ ki ha ka bordiñ ha North Garo Hills iwa jia heipor kamwa 4:30 i janmiet yong ka 25 tarik uni u bnai ha i thaw wa dang haap ha ka Mendipathar Police Station.
Ini i jia toh hadien wa san ngut kiwa mylla sngi na Assam kiwa kreh wow chna sarok ha North Garo Hills da yap ki hadien wa ka kor khleh khyndaw bilat wa kreh ki da toh ko ha u sainar bordiñ (High tension wire) wa lai najrong kani ka kor.
Kiwi de kiwa em ha ka jooh ka thaw da mynsoo joor ki wei da pynkit noh ya ki cha Goalpara yow yoh yei sumaar.
Kiwa khlaad ha ini i jia da tip pyrtuid kam u Jonal Uddin (35), u Chand Mia (36), u Ashraf Ali (35), u Sanwar Rehman (27) wa u Dipen Rabha (33).
Discussion about this post