Jowai: I pynmih ka sorkar pyrdi ya ka NRC Draft hapoh ka jylla Assam ynnin ka sngi heiwa daw ye u chah kyntait kiwa boon phaw lak ha Assam kam ki tre jylla wa ki tre ri, ynne ka sngi ka seiñ KSU da pynyieñ ko da ki Infiltration Check Gate ha Ri-Bhoi, East Jaiñtia Hills wa ha West Khasi Hills yow sylli yei lai i wan ki kari na Assam dei suba wa boon kiwa chah kyntait na Assam daw wan psiah ki cha Meghalaya.
Ki dkhot ka KSU da pynsangeh ki ya ki kari kamai hadooh ki truck wei da kam ka seiñ wa da kem ki da ki spah ngut ki bru wa mut u psiah chapoh ka jylla wei da phah uiñ biang ya ki cha Assam.
Ya kini ki Infiltration Gate toh kiwa da pynyieñ ha Athiabari, West Khasi Hills, 20 Mer ha Ri Bhoi District wa ha Ratacherra ha East Jaiñtia Hills.
Ha Ri Bhoi nyngkong ym em chah ki bor district wow leh ya ini tangwa hadien won da kreh lang wa ki pulit ha ki Check Gate wa da booh da ki bor District kawa em ha Byrnihat, Ri Bhoi District.
Discussion about this post