Lai hær Delhi ki MLA wa thymme yow yoh sikai kammon u man kam kiwa mihkhmat

Shillong: Kamwa 40 ngut ki MLA yong ka jylla da hær ki cha Delhi yow yoh sikai ka wa pynman nadooh ynne ka sngi hadooh ka 3 tarik ha yung dorbar Lok Sabha.

Ya kani ka e sikai da pynman da ka Bureau of Parliamentary Studies and Training (BPST) wa man kyrpang neibynta kiwa mihkhmat kiwa dang jop ha ka sien wa nyngkong cha ka yung dorbar wa chiphaw ka Meghalaya Legislative Assembly.

Ya kini ki MLA wa thymme ka jylla da yahkhmat da u Lamphang ka yung dorbar chna aiñ u Dr. Donkupar Roy, wa kynthup leh ya kiwa mihkhmat wa da rangbah wow chimbynta ha kani ka e sikai.

Ki MLA wa thymme kiwa lai chimbynta kynthup ki ya ki montri ha ka sorkar, kam u Hamletson Dohling, u Samlin Malngiang, u Kyrmen Shylla, u Banteidor Lyngdoh wa kiwi kiwi kiwa dang man MLA.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Katkam i yutip wa da yoh na u Lamphang ka yungdorbar uwa man leh kam u President wa u MLA ka UDP na Shella, da pyntip u wa uwa yahkhmat ka liang pyrchah u Dr. Mukul Sangma leh da em ua Delhi.

Ini i emlang leh kiwa yahkhmat ka UDP wa ka Congress ha Delhi ye ko u man leh kam i pyrchang wow pynhap ya ka sorkar Meghalaya Democratic Alliance (MDA) wa yahkhmat da ka NPP.

Kamwa man kattæ daw em artylli ki Election chiteiñ samoi kiwa daw pynman hapoh ka jylla ha South Tura wa ha Ranikor wei katkam ki khubor wa da yoh da em i thmu wow krehlang ka UDP wa ka Congress ha kini ki Election lada ka NPP rem ko ha kini ki Election chiteiñ samoi.