Daw pynman lympung Under–12 Football Tournament ka Northeast Indian Goal wow chem ya ki khynnah wa emsap ha ka football

Jowai: Ka seiñ Northeast Indian Goal kawa man kam ka NGO wa kreh wow pynku ya ki kaam Sports waka Football hapoh Meghalaya wa ha ka thaaiñ mihsngi daw pynman ko ya ka Under–12 Football Tournament ha East wa West Jaiñtia Hills District.

Kani ka Tournament daw sdang ko nadooh ka 18 tarik uni u bnai na East Jaiñtia Hills.

I thmu kani ka Tournament toh wow pynchlur ya ki khynnah wow sdang yaleh football ki nadooh wa dang khian ki yow chem leh ya kiwa em sap wei yow phah ya ki cha ki thaw esikai kiwa heh hapoh ka ri kam ha BOCA Junior Football School, India waka Max Sports Foundation heiwa ki khynnah wa chah jied daw yoh ki ya Education Scholarship kamjooh ka e sikai ha kani ka yalehke.

Ka North East Indian Goal da khut ko ya waroh ki skur, ki chnong, ki dong, ki Club wa kiwi wow wan chimbynta ha kani ka tournament.