Jowai: Ka seiñ ABVP, Shillong ynne ka sngi da pynman ko ya ka “U Tirot Sing Best Student Award Function” ha Aurobindo Auditorium, Shillong heiwa u Director ka NIT Meghalaya u B.B. Biswal da man u kam u kongsan katwa u Pro Vice Chancellor ka NEHU, Shillong Campus u Henry Lamin da man u kam u symbood kongsan hei emlang u Rabi Ranjan Sen uwa man kam u EC Member ka NEHU.
Hawa e i klam ha kani ka sngi u Prof. B.B. Boreal da pynksan u yeiwa emkaam ki khynnah puræ u minot ki wow pynku ya ki Percentage yong ki wei wow chim kabu ya ka Reservation Policy ya kawa da pynkrehkaam ha waroh ki NIT hapoh ka ri.
Neiliang u Prof. Henry Lamin da ong u wa ka Skill Education toh ka bynta kawa emkaam bha ha kani ka juk wa katni heiwa da ong u leh wa ka Education Policy toh u pait ko leh ya kani ka bynta bar du wow pait ko ya ka rukom esikai yong rim.
Neiliang won u Prof. Rabi Ranjan Sen da ong u wa ki khynnah toh u em ki i mynsien maya ri wei emkaam leh wow kreh neibynta ka imlang sahlang waroh kawi.
Ha kani ka sngi da pynkupburom hadooh 118 na ki 77 tylli ki skur na kylleiñ ka ri-loom Khasi wei da saam leh ya ka Babu Jeebon Roy Award cha ki khynnah wa yoh heh marks dooh ha ka SSLC wa HSSLC.
Discussion about this post