Dang emkaam wow pynkhlan ya ka aiñ Meghalaya Residents Safety and Security Act: Prestone Tynsong

Shillong: Ka sorkar jylla da rai ko wow pait bniah biang ya ka Meghalaya Residents Safety and Security Act, 2016 dei thmu wow pynkhlan chooh chooh ya ka wow ye u yaleh pyrchah yei wan psiah ki baar jylla kiwa thmu wow sah be-aiñ hapoh ka jylla.

“Nga da yaklam O wa u montri wa toh u pait ya ka tnat aiñ wow pait bniah biang ya ka aiñ yow wanrah ya i tyrwa pynpsiah da ki kyndon kiwa khlan neibhah i kwah i waka aiñ u man ko kawa khlan,” da ong u Prestone Tynsong.

Ini i tyrwa da mih ko hadien wa u symbood montri rangbah, u montri ka tnat aiñ ka sorkar jylla u James K Sangma deilang wa ki dkhot ka Hynniewtrep Youths’ Council (HYC) da chong yalang ki ynnin ka janmiet.

Ka HYC dang ha kini ki sngi da dawa ko wow pynkrehkaam ya ka Inner Line Permit (ILP) wa ya ka National Register of Citizens (NRC) wow yakhun yei wan psiah ki baar jylla kiwa ye u psiah be-aiñ chapoh ka jylla khamtam hadien wa ka Assam da pynmih ko ya ka Draft NRC heiwa kamwa 40 lak ki bru ym em mih pyrtuid ki kam ki tre jylla ka Assam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ya ka Meghalaya Residents Safety and Security Act, 2016 da rai ko wow pynkrehkaam da ka sorkar jylla kam ka stieh wow yada yei wan psiah ki baar jylla.

Da ong u Prestone wa dang em ki kyndon kiwa haap u pynpsiah wei em leh ki kyndon kiwa ye u pyndooh wei daw puræ bniah ya kani ka aiñ yow wanrah myntoi ko neibynta ki paidbah wa chong chnong ka jylla.

Chooh chooh da ong u kani ka aiñ toh kawa da pynkrehkaam nadooh u snem 2016 wei man ko kawa emkaam bha kawa kynthup ya waroh kiwa emkaam wei ym emkaam u pynkrehkaam ya ka ILP manda khlan kani ka aiñ.