Shillong: Ka sorkar jylla da chim ko ya ka rai wow e mynkna hadooh 72 jait ki dawai ha waroh ki Hospital sorkar, wa kynthup leh ya ki CHC wa PHC lyngba ka Free Drugs Policy wow bood ryntih lang wa ka policy ka sorkar India.
Hawa khana yeini, u Symbood Montri Rangbah ka jylla, u Prestone Tynsong da ong u wa ya kani ka Free Drugs Policy yong ka jylla daw lai lang ko ryngkat ko wa ka policy yong ka sorkar pyrdi wow e dawai mynkna ha ki thaw sumaar ka sorkar.
“I pynlut neibynta kani ka policy u man ko 90 percent da ka sorkar pyrdi lyngba ka National Health Mission (NHM) wa 10 percent da ka sorkar jylla,” da ong u Prestone.
Discussion about this post