Jowai: Ynne ka sngi da pynkut ya ka 1st Independence Day Cup Under 17 Football Tournament ha madan Hula, Shangpung Moosyiem kawa pynman da ka Moosyiem Cultural & Sport Club (MCSC).
Ha kani ka sngi Final u R.D.Sungoh da man u kam u kongsan katwa u Dr. Brightstar Langbang da man u kam u symbood kongsan.
Ka yalehke final da man ko hapyrdi ka Khadarnor Secondary School wa ka Khliehmuchut UFC wei da man ko kawa chongchit bha heiwa ka Khadarnor Secondary School da jop ko da 1-0 wei da yoh ko u rah ia ka song poisa kawa T. 10,000 wa ka trophy, katwa kawa rem da yoh ko u rah ya ka song ka wa T. 5000 wa ka trophy.
U Waiahoi Iakai na ka skur Lummuroo Secondary School da yoh u yei naam Best Player katwa u Mechanki Sajem na ka Khadarnor Secondary School da yoh u ya i naam Best Goalkeeper.
Ki kongsan hawa klam da e ki i yaroh ya kiwa kitkaam yong ka Shnong Shangpung Moosyiem wa ka MCSC wa da ye ki u pyllai bait pyllai ryntih ya kani ka lympung neibynta i myntoi ki khynnah khynroo ka thaaiñ. Da kyrmen ki wa ya kani ka lympung u ye u pynyaleh man ka snem.
Kani man ko katkam ka khubor na u President Ka MCSC, Shangpung Moosyiem, u Alfred Sutnga.
Discussion about this post