Jowai: Ka Saipung Block Sports Association (SBSA) da pynhiar pyrda ko ynne ka sngi ya ka 1st Under-16 Independence Cup da ka yalehke Final hapyrdi ka Narwan Secondary School wa ka Sacred Heart Secondary School Lamyrsiang
Ka Narwan Secondary School da jop ko da 1-0 lyngba ka kool wa thap u Bunki Shadap ha ka minit wa 55.
Ya kani ka Final da wan u sakhi da u Dominic Pala u waheh chnong ka Lamyrsiang kam u kongsan.
Ha kani ka Tournament da em 16 tylli ki Club wa ki skur wa wan yachim bynta kawa sdang nadooh ka 01-08-18.
Kiwa rah ya ka naam jop ha ka Final da yoh ki ya ka song poisa wa T. 6000 deilang wa ka Trophy katwa kiwa rem won da yoh ki T. 4000 deilang waka Trophy.
Da saam leh yei naam Best Player cha u Bunki Shadap katwa u Jesmy War won da yoh u yei naam Best Goalkeeper.
Discussion about this post