Lyngba ki dak thoh booh naam u warim how Moopynyieñ, sdang ka chnong Sohmynting wow lehkmen sngi laitlooid

Jowai: Ka dorbar chnong Sohmynting, West Jaiñtia Hills District, haka sien wa nyngkong da ksohkti lang ko wow lehkmen ya ka sngi yoh laitlooid wa 72 ka ri India wa tip kam ka 72nd Independence Day, deiwa lumlang ya ki paaid ka chnong kynthai wa chynrang nadooh ki khynnah skur kiwa sikai wa kiwi kiwa pynyoo yei dak yong i lehkmen ha madan Ktiehheh Sohmynting.

I chim ka chnong ya kani ka sien jam lehkmen ya ka sngi laitlooid toh hapoh i yahkhmat u waheh chnong, u D. Pyrtuh neidaw wa em i dak thoh wada boohnaam da ki warim ha uwi u moopynyeiñ uwa da pynyieñ neibynta i yoh laitlooid ka ri ha kawi ka madan chnong wa tip ka Madan Mooknor.

Ha uni u moopynyeiñ da em leh ki kyntien thoh deiwa ah dur ha u moo wei da batai wa ya uni u moo da pynyieñ haka sngi lehkmen yoh laitluooid ka ri ha u snem 1947 da ki 24 ngut ki bru waheh  ka chnong wei hatre yong oo em leh u Mookynthai namo u Mooknor.

Katkam ka parom tbian wada khana u Marbhah Shylla, da ong u wa ya uni u moo da yahkhmat wow pynyieñ heini i thaw da u ma yong o u Tynde u Morya Shylla haka sngi laitlooid ka ri India deiwa khut lok u yow yarah ya uni u moopynyieñ ha kani ka thaw wa em u Mookynthai næ Mooknor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Kamwa u warim nachwa katni da leh u wei sñiawthooh yei kordor i yoh laitlooid deiwa booh naam, kamtæ i won kam ki pateiñ sñiaw i wa man kawa emkaam wow bood ya ki dien kjat yong ki, wei lyngba i sdang ha uni u snem yooluti wow ye u pteiñ yei lehkmen khlieh u snem,” da ong u waheh chnong D.Pyrtuh hawa khana u yei daw wa pynman u chim ki ya kani ka sien jam.

Ha kani ka lehkmen yoh laitlooid da wan emlang u CEM ka JHADC, u Madonbai Rymbai uwa man leh u MDC ka thaaiñ kam u kongsan, chirup i sakhi lang kiwa boon ki paaid wa chong chnong, natlor kiwa yahkhmat ka chnong wa kynthup ya u Secretary Chnong u O. Kya, ki dkhot chnong u P. Phawa, ka P. Pyrtuh, u Dolloi ka Amwi Elaka u J. Pyrtuh wa kiwi kiwi.

Ki skur yong ka chnong wa chim bynta ha ka March Ppast ha kani ka sngi da em ki kamwa 11 tylli. Heijooh i por neiliang ka chnong kam ka dak wow pynchlur ya ki khynnah skur hei puræ puthi da chim ki leh ka laad wow e khusnam ya ki khynroo khyllood wa da poi chakhmat hei puræ yong ki ha uni u snem.

Da pynchongchit chooh chooh ya kani ka sngi dei chaad wa da chimnynta da ki khynnah skur.