Wow yoh u pynpsiah ya ka ktien Khasi hapoh ka 8th Schedule, pynman ka KAS da ka Seminar ha Jowai

Jowai: Ka Khasi Department ka Thomas Jones Synod College, Jowai dei ya krehlang waka Khasi Author’s Society (KAS) da pynman ki ya ka lympung-yaphyllu-yumut (Seminar) hajrong ka phang “Haba im ka ktien, im ka jaitnbynriew” ynne ka sngi ha Thomas Jones Synod College.

U Dr. D.R.L Nonglait uwa man leh kam u President ka KAS ha ki ktien maitphang yong oo da ong u wa toh u pynneh yei man kyrpang ka jaitbru khamtam ya ka ktien Khasi kawa da mut wow chah tymmoh da ka ktien Bengali heipor wa synchaar ki pharæng.

Da ong u leh ini da man ko kawi na ki daw wa da yaleh wow yoh jylla katwa ya ka ktien Khasi emkaam sa wow thap ya ka hapoh ka 8^thSchedule yow yoh ko yei tipmit kamjooh leh yei yada.

Da khana u leh wa nyngkong da tipmit ya 14 tylli ki jait ktien wa em hapoh India ya ka Hindi, Bengali, Sanskrit, Assamese wa kiwi kiwi, ha u snem 1967 da tipmit ya ka ktien Sindhi, ha u snem 1967 da tipmit ya ka Manipuri, Nepali, Konkani wei ha u snem 2003 won da tipmit ya ka ktien Bodo, Santali, Dogri wa Maithili.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katni dang em sa 38 tylli ki jait ktien wa dang bichaar ka sorkar yow yoh yei tipmit kawa kynthup leh ya ka ktien Khasi.

Da ong u leh wa ka KAS leh smat ko u yarap ya ka sorkar hei iwon iwon wa emkaam wow pynbiang yow thap noh ya ka ktien Khasi ha ka 8^th Schedule.

U symbood kongsan ha kani ka sngi u Wailadmiki Shylla, MLA ka Jowai da ong u wa kyrchaan u yeini i dawa ka KAS wei oo smat u wow yarap yow poi ki cha ka thnong wei da pynkynmoo u leh ya waroh wa em ki ri klam ki du i ktien yong ki wei ym tip ki leh wow klam English neidaw wa maya ki ya ka ktien yong ki katwa cha i won da chem u wa para i leh klam dei ktien pharæng.

U kongsan ha kani ka sngi u Lahkmen Rymbui , montri ka tnat puræ puthi hei klam yong oo da ong u wa cha i em boon ki jaitbru kamtæ em leh em boon ki jait ktien wei ya ka ktien Khasi emkaam wow pynmahajon chooh ka deiwa chim leh ya ki ktien na kiwi ki jait ktien kam wa man ka ktien English kawa da chim na kiwa boon ki jait ktien.

Da ong u leh wa ki bynta wa ye bha u pynneh ya ka ktien toh heipor wa leh niam heipor wa kñia neibhah ya kitu ki bynta ym ye de u pynkylla da kiwi ki ktien.

Kani ka Seminar man ko kam chibynta i yaleh ka KAS wow thooh yarap wei kamjooh wow pynsñiawthooh paidbah yei emkaam wow pynpsiah ya ka ktien Khasi hapoh ka 8^th Schedule ka riti synchaar ka ri wei hachwa wow pynman ya kani ka seminar ha Jowai da dep pynman ha Mawkyrwat wei hadien ini daw pynman won sa ha Khliehriat.