Li kyntu ki EM ka JHADC cha u Lat iow chimkhia u pynkylla aiñ ia ka bill Elaka and Village Administration

Jowai: Ki Executive Member ka JHADC dei lang wa u CEM ma Thombor Chiwat da wan iachem ki ia u Lat ka jylla u V. Shannuganathan ha Raj Bhavan, Shillong ha kani ka 19tarik uni u bnai. Ki MDC ka JHADC da kyntu ki ia u lat u e mynjur noh u ia ka aiñ synchar Chnong synchar Elaka wa da chna da ka JHADC. Da ong ki wa kani ka aiñ toh ka wa da chna bniah chna janai bha.

Ha ka iatoh wa ini i lai iachem ki MDC, da ong ki wa u Lat da ap da sniaw u ia ki jingud wa i jingkyntu iong ki. U Lat da pan u sa kattu katni por na ki yow ioh u purea bniah bha ia ka bill.

Natlor ka bill, ki MDC leh da iaklam ki wa u Lat hajrong ka jingemkam wa boon iong ka JHADC hei wa iatoh u pyllait noh ka Sorkar Ri ia ka poisa bhah iong ka council wa da sahtein kamwa 54 klur tyngka. Da ong ki wa boon ki project pynroi hapoh ka JHADC da sdang dei  wa yooluti u ioh ia kani ka 54 klur. Kam wa man kate ia kini ki project da pynsangeh chitein por ia ki wa duna poisa ka council.

Da khana ki ia u Lat leh wa ka council ha kini ki snem da ioh ko 25% don hi ka royalty naka sorkar jylla. Kani ka royalty toh na ki mar pohkhyndaw  kam u mooiong wa u moochun wa kiwi. Da kyntu ki ia u Lat iow pynku noh ki ia kani ka 25% cha ka 35%. Yooluti ki wa da kini ki jingiarap u Lat daw iarap ko chiboon ia ka JHADC ha i kreh kam ka council.

Related posts

Da khut Tender wow chna noh ya ka Iawmusiang Market Complex

November 21, 2024

Pyntikna u Wailad wa da phah yei tyrwa cha ka sorkar pyrdi wow chna thaw puræ Nurse ha Mukhla

November 21, 2024