Shillong: Ynne ka Sngi ka Khasi Students’ Union Nongthymmai Circle hapoh i yahkhmat u Iyan Gilmore Nonghuloo, Finance Secretary KSU Nongthymmai Circle wa u Richard Mawkhiew Organising Secretary KSU Nongthymmai Circle hei emlang u Pyniaid Sing Syiem, MDC 24 Sohryngkham Constituency wa u Mardondor Tongper u Magistrate ka East Khasi Hills District da lai hiar ki hadien wa yoh ujor na ki paidbah ka chnong Jyntah hajrong wa leh embor wei pyndik ki chipai ka Assam Regiment (AR) kiwa da khanglaad wei da kærkut ya ka luti waka yingkieñ Umkhen kawa ki paidbah wa chong chnong jooh pynemkaam ki wow lai luti waroh chirta.
Ha kani ka lai sylli da yachem leh ya ki heh chipai ka Assam Regiment wei da mih ka yania wa joor, kawa neh slem bha wei hawa kut da ye u pynmynjur ya ki bor chipai wow pyllait wei wow e laad biang ya ki paidbah wow lai biang ki kamwa jooh man nadooh nachwa.
Ka KSU daw lai yachem ko leh ya u Deputy Chief Minister u Prestone Tynsong wow rah daka ujor hajrong i pynthut wa i thombor ki chipai ya ki paidbah ha kani ka thaw kawa da jia man ki por.
Discussion about this post