Jowai: Ka seiñ Northeast Indian Goal (NEIG) da pyntip paidbah ko wa daw em ka Football Trial wow pynman da ka Apollo Minerva Punjab FC neibynta ki khynnah wa 11, 13, 15 wa 18 snem.
Kamtæ ka NEIG da khut ko ya ki kynnah wa ki khynroo wow wan chimbynta wow pynyoo ya ki sap ki phong yong ki.
Ka Minerva Punjab FC daw jied ko ya ki khynnah wa khynroo kiwa em i sap heiwa daw e ya ka sikai wow pynbniah ha ka yalehke Football ha ka Minerva Academy.
Kiwa chah jied ym du u chah sikai ki ha ka Football wei daw pynbiang leh ya ka puræ puthi.
Kamtæ da khut sñiawbha ya kiwa em i thmu wa ka sap wow wan yachim bynta wei da kyrpaad leh ya ki bei ki pa wow e mynsien wow kyrchaan ya ki khon wow wan cha kani ka Football Trial neibhah daw yoh myntoi chiboon bha ya kiwa chah jied wei daw man ko leh kam ka laad kamai ya ki khon khynnah wa khynroo ka thaaiñ.
Da kyrpaad ya kiwa wan chimbynta wow wan ki ha Kiang Nangbah Stadium, Jowai wei wow wanrah leh ya ki dur Passport Size wa ka Birth Certificate yow pynsakhiat yei rta yong ki.
Ya ka yutip wa bniah ye u phone ha u 9383143011.
Discussion about this post